Ndryshimet klimatike rrezik për miliona njerëz që jetojnë afër lumenjve

Hulumtuesit në Gjermani thonë se po kërkohet më shumë mbrojtje nga përmbytjet sidomos në disa pjesë të SHBA-së, Indisë, Afrikës, Indonezisë dhe Evropës Qendrore

Shkencëtarët thonë se miliona njerëz në botë kërcënohen nga përmbytjet prej lumenjve në dekadat e ardhshme për shkak të ndryshimeve klimatike.

Hulumtuesit në Gjermani thonë se po kërkohet më shumë mbrojtje nga përmbytjet sidomos në disa pjesë të SHBA-së, Indisë, Afrikës, Indonezisë dhe Evropës Qendrore, transmeton Albinfo.ch.

Përmbytjet prej ujërave janë një prej formave më shkatërruese nga natyra.

Përmes përdorimit të disa simulimeve kompjuterike, shkencëtarët nga Instituti për Klimë “Potsdam”, thonë se numri i njerëzve të prekur nga dhjetë 10 për qind e përmbytjeve do të jetë 156 milionë në Azi deri më 2040.