James Cameron i jep mbështetje aktores Eliza Dushku

Drejtori i filmit ‘True Lies’, James Cameron, e quajti aktoren shqiptare, Eliza Dushku, të guximshme, për faktin që tregoi përvojën e saj të tmerrshme me koordinatorin e dublimeve, Joel Kramer, kur ishte 12 vjeçe, përcjell albinfo.ch.

Me anë të një postimi në Facebook, aktorja tregoi se Kramer e ka sulmuar seksualisht në një hotel gjatë xhirimeve për filmin ‘True Lies’.

Cameron iu përgjigj pyetjeve mbi zbulimin tronditës të Dushkut gjatë një deklarate në Television Critics Association për filmin e tij të ardhshëm të ‘James Cameron’s Story of Science Fiction’.

“Eliza u tregua shumë e guximshme që foli. Është e rëndë ajo që i ka ndodhur. Unë dua të them, e njoh ekipin jo dhe aq mirë, ai nuk ka punuar me ne që nga ajo kohë. Fakti është që kjo ka ndodhur nën hundën tonë dhe ne nuk e dinim…Drejtorët historikisht janë të pavetëdijshëm për gjërat personale që po ndodhin në ekipin e tyre. Sikur të kisha dijeni për këtë, nuk do të kisha treguar mëshirë”, ka thënë ai.