Ekspozitë e së kuqes së nxjerrë nga insektet

Rreth 75 vepra arti nga koleksionet vendore e ndërkombëtare e që u takojnë artistëve si Tintoretto, Turner, Renoir dhe Van Gogh janë prezantuar në muzeun e Meksiko Sitit.

Veprat janë prezantuar në ekspozitën që i dedikohet përdorimit të ngjyrës së kuqe të siguruar nga insektet meksikane, përcjell albinfo.ch.

E titulluar e kuqe meksikane, e hapur deri më 4 shkurt në këtë ekspozitë janë pikturat për të cilat përdorej ngjyra e kuqe e siguruar nga materiali i papërpunuar që vjen nga insekti i njohur si koçinel parazitë ky i vogël që ushqehet me lule kaktusi dhe kultivohej në Meksikë.

Ky pigment përndryshe ishte një prej produkteve më të eksportuara nga shteti pas argjendit. Nga Meksika dërgohej në Spanjë e nga aty në gjithë botën.

Evropa ishte posaçërisht e mrekulluar nga ngjyra dhe përdorej në shumë fusha nga arti deri te tekstili apo statujat në pallatet mbretërore në Francë e Spanjë.

Dhe para ekspozitës të gjitha pikturat janë kontrolluar nga ekspertët për t’u siguruar që ato vërtet e përmbajnë këtë ngjyrë. Kjo ngjyrë merret zakonisht nga acidi i insektit femër dhe me aditivë ngjyra e kuqe varion. Kjo teknikë përdoret edhe në ditët e sotme.