Reperi me prejardhje shqiptare në film bashkë me De Niron

Action Bronson, reperi me prejardhje shqiptare, ka siguruar rol në filmin e ardhshëm të Martin Scorseses “The Irishman”.

Ai i bashkohet kastit të udhëhequr prej Robert De Niros, Al Pacinos dhe Joe Pescit në filmin biografik për Frank “The Irishman” Sheeran. Filmi është i bazuar në librin e Charles Brandtit, “I Hear You Paint Houses”, transmeton Albinfo.ch.

Reperi ka postuar një fotografi të veten në Instagram më herët gjatë muajit bashkë me Scorsesen dhe De Niron, ndërsa tani “Billboard” ka konfirmuar se ai është pjesë e filmit të ri.

Scorsese, që është edhe bashkëshkrues i skenarit, dhe De Niro, që është producent, janë duke e bërë filmin për “Netflixin”.

Action Bronson njihet për udhëheqjen e emisionit të tij të gatimit, ndërsa vitin e shkuar lansoi edhe albumin e tij të tretë “Blue Chips 7000”.