Aeroporti i Vlorës më i lirë se i Tiranës

Sipas projektit paraprak, tre kompanitë turke do të investojnë 100 milionë euro për ndërtimin e aeroportit. Në këmbim ato do të kenë menaxhimin e tij për një periudhë disavjeçare dhe një fitim të garantuar, i cili nëse nuk arrihet nga të ardhurat e fluturimeve do të paguhet nga buxheti i shtetit

Çmimet e biletave në Aeroportin e Vlorës do të jenë më të ulëta se në Rinas. Qeveria shqiptare ka dërguar në Kuvendin e Shqipërisë projektligjin që përcakton procedurën e negociatave me kompanitë turke për ndërtimin e aeroportit.

Në relacioni shoqërues të projekligjit zbulohet se shoqëritë turke kanë propozuar tarifa më të lira fluturime nga ato që janë aktualisht, shkruan “TCH”.

Sipas relacionit, struktura e saktë e tarifave do të përcaktohen në diskutimet e mëtejshme mes konsorciumit turk dhe komisionit ndërinstitucional të negocimit mes ministrisë së infrastrukturës dhe asaj të energjisë, përcjell albinfo.ch.

Qeveria shqiptare thotë se qëllimi kryesor i negociatave do të jetë nënshkrimi i një kontrate që ka ndikim minimal në buxhetin e shtetit. Sipas projektit paraprak, tre kompanitë turke do të investojnë 100 milionë euro për ndërtimin e aeroportit. Në këmbim ato do të kenë menaxhimin e tij për një periudhë disavjeçare dhe një fitim të garantuar, i cili nëse nuk arrihet nga të ardhurat e fluturimeve do të paguhet nga buxheti i shtetit.

Sipas relacionit të projektligjit, qeveria parashikon që përmes aeroportit të Vlorës të transportohen 80 për qind e turistëve ndërkombëtarë, që vijnë për pushime në jugun e Shqipërisë, çka do ta bënte atë një aeroport më të madh edhe sa Rinasi.