Protestuesit drejt Tiranës, në makina vendosin targat e makinës së Tahirit

Protestuesit e mbajnë targën AA 003 GB me mbishkrimet “narkoshteti” dhe “të paprekshëm”, për të treguar në mënyrë simbolike lidhjen e kryeministrit Edi Ramës me grupet e narkotrafikantëve

Protestuesit që janë nisur drejt kryeqytetit Tiranës për protestën e paralajmëruar të opozitës kanë vendosur në automjetet e tyre targën simbol të narkotrafikut shtetëror.

Nga fotot shihet se protestuesit e mbajnë targën AA 003 GB me mbishkrimet “narkoshteti” dhe “të paprekshëm”, për të treguar në mënyrë simbolike lidhjen e kryeministrit Edi Ramës me grupet e narkotrafikantëve.

Targa e makinës Audi të ministrit të Brendshëm, Saimir Tahiri, AA 003 GB, është më e famshmja ndër bandat e krimit të organizuar. Makina me këtë targë ishte pronë e Saimir Tahirit dhe, njëkohësisht, përdorej nga banda e Habiljave për lehtësimin e trafikut ndërkombëtar të kanabisit që në nëntor 2013, pasi Partia Socialiste erdhi në pushtet, deri në tetor 2017, kur antimafia italiane arrestoi bandën më 2017.