Mundësi për të qenë praktikant në Parlamentin Gjerman

Ambasada gjermane në Tiranë me anë të një njoftimi fton të rinjtë shqiptarë që të aplikojnë për të qenë praktikant në parlamentin gjerman për vitin 2019, shkruan albinfo.ch.

Bursa Ndërkombëtare Parlamentare e Bundestagu-t Gjerman (IPS) ju mundëson ndjekjen nga afër të aktivitetit të përditshëm parlamentar gjerman përgjatë pesë muajve, thuhet në njoftim.

Gjatë kësaj kohe do të punoni në zyrën e një deputeti, si dhe keni mundësinë të ndiqni leksione pranë universiteteve të Berlinit.

Bundestagu Gjerman së bashku me Universitetin e Lirë të Berlinit, Universitetin Humboldt të Berlinit dhe Universitetin Teknik të Berlinit jep çdo vit bursa për të diplomuarit e rinj nga 42 vende. Programi zgjat çdo vit nga 1 marsi deri më 31 korrik.

Nëse keni njohuri shumë të mira në gjuhën gjermane, keni përmbyllur studimet ose jeni pak përpara përmbylljes, jeni më të rinj se 30 vjeç, si dhe keni shtetësinë shqiptare, ne do të gëzoheshim nëse do të aplikonit për këtë bursë deri më 30 qershor 2018, theksohet tutje në këtë njoftim.

Për informacione të mëtejshme rreth programit shihni këtu: http://www.bundestag.de/ips