Basha fton fermerët të protestojnë para Qeverisë

Kryetari i Partisë Demokratike, Lulzim Basha, në një takim që ka zhvilluar me fermerët e Divjakës i ka ftuar ata që të protestojnë para Kryeministrisë ndaj, siç ka thënë ai, braktisjes nga qeveria.

“Nuk marrim asnjë subvencion as në naftë, as në fara, as në plehra kimike”, u shprehën fermerët, të cilët thanë se po konkurrohen padrejtësisht nga prodhimet e importit, përcjell albinfo.ch.

Kryetari i PD-së shprehu bindjen se një qeveri që është vënë në shërbim të një grushti njerëzish të korruptuar dhe të lidhur me krimin, nuk do t’u shërbejë qytetarëve. “Duhet të hedhim Ramën në kanal, jo djersën tuaj”, u tha Basha.