Arrestohet qytetari nga Fieri, shkaktoi dëme prej 530 milionë dollarë

I riu dyshohet të jetë pjesë e rrjetit të quajtur “Infraud”, i cili shiste të dhëna të vjedhura kartash krediti në internet duke u shkaktuar konsumatorëve një humbje prej 530 milionë dollarësh

Një shtetas shqiptar i shpallur në kërkim ndërkombëtar nga Shtetet e Bashkuara nën akuzë për krime kibernetike është arrestuar në Tiranë, raportojnë mediat vendase.

Policia shqiptare njoftoi arrestimin e shtetasit Aldo Ymeraj, 25 vjeç lindur dhe banues ne Fier, pas urdhërarrestit të lëshuar nga SHBA në kuadër të një operacioni ndërkombëtar kundër krimit kibernetik, përcjell albinfo.ch.

I riu dyshohet të jetë pjesë e rrjetit të quajtur “Infraud”, i cili shiste të dhëna të vjedhura kartash krediti në internet duke u shkaktuar konsumatorëve një humbje prej 530 milionë dollarësh.

Sipas njoftimit të policisë, Ymeraj u arrestua gjatë një operacioni të zhvilluar mbrëmjen e së hënës në Tiranë, nga Sektori Kundër Krimeve Kibernetike në Policinë e Shtetit në bashkëpunim me DVP Fier dhe Prokurorinë e Përgjithshme.