Zaev i interesuar për zgjidhje: Një milion maqedonas shkojnë çdo vit për pushime në Greqi

Në një intervistë për “Der Spigel”, Zaev, ka theksuar se janë të interesuar të gjejnë zgjidhje, derisa ka përmendur faktin se një milion turistë maqedonas vizitojnë Greqinë çdo vit

Kryeministri maqedonas, Zoran Zaev, është shprehur se dëshiron të zgjidhë mosmarrëveshjen e vjetër të emrit të vendit me Greqinë. Sipas tij Qeveria maqedonase është e gatshëm të përmbushë shumë kërkesa.

Në një intervistë për “Der Spigel”, Zaev, ka theksuar se janë të interesuar të gjejnë zgjidhje, derisa ka përmendur faktin se një milion turistë maqedonas vizitojnë Greqinë çdo vit, përcjell albinfo.ch.

“Ka pasur shumë komente për këtë çështje në të kaluarën, megjithatë, çështja e emrit nuk është zgjidhur. Tani ne jemi duke u përpjekur për të ndërtuar marrëdhënie të mira me fqinjin tonë. Unë mendoj se miqtë tanë grekë duan të zgjidhin këtë problem, që do të ishte mirë jo vetëm për Greqinë dhe Maqedoninë, por edhe për rajonin”, ka thënë Zaev.

Megjithatë, në Greqi kishte protesta kundër emrit të Maqedonisë. “Do të jetë shumë vështirë. Mendoj se shumica e grekëve janë për të gjetur një zgjidhje. Besoj se edhe kolegu im, Alexis Tsipras mendon kështu. Kjo do t’i ndihmonte edhe Greqisë”, ka shtuar tutje kryeministri maqedonas.

“Në verë ne duam të zëmë plazhet e bukura dhe ishujt e Greqisë. Një milion maqedonas shkojnë çdo vit në Greqi. Paratë tona shkojnë atje”, theksoi tutje ai.

Në intervistën e gjatë për “Der Spigel”, Zaev u shpreh se rajoni historik i Maqedonisë shtrihet në tre shtete: “pjesa veriore ose e epërme në vendin tonë, pjesa lindore në Bullgari dhe pjesa jugore në Greqi”.

Ai ka përmendur faktin se aeroporti dhe autostrada kanë ndryshuar emrin, dhe po bëjnë progres, që do t’iu ndihmonte dy vendeve.