Sekuestrohen në Durrës 613 kg kokainë e ardhur nga Kolumbia

Policia në Shqipëri ka arritur të kapë një sasi rekorde të kokainës në Durrës e cila ardhur nga Kolumbia.

Drejtori i Policisë, Ardi Veliu në një konferencë për media ka thënë se janë arrestuar dy persona: Donaldo Lusha dhe Armando Pezaku, ndërsa në kërkim është shpallur pronari i drogës së konfiskuar personi me iniciale A.Ç., përcjell albinfo.ch.

“Policia e Shtetit në bashkëpunim me Prokurorinë e Krimeve të Rënda dhe Drejtorinë e Hetimit Doganor, mbi bazën e informacioneve të siguruara më herët dhe analizës së riskut, pas një pune të mirë organizuar dhe të koordinuar, ka arritur të finalizojë me sukses operacionin e koduar “Last Snow”. Si rezultat i këtij operacioni u bë i mundur kapja dhe sekuestrimi i një sasie rekord prej 613 kilogramë e 350 gramë lënde narkotike e dyshuar kokainë, me vlerë tregu mbi 180 milion euro. Kokaina ishte e fshehur në kontenier me dysheme të dyfishtë, të ngarkuar me banane”, ka thënë Veliu.