Grabitje e përgjakshme, plagosen dy persona

Në mes të qytetit të Fierit ditën e sotme ndodhi një grabitje e përgjakshme. Të plagosur mbetën pronari i një pike të këmbimit valutor dhe një klient që u gjend në dyqan në kohën e grabitjes.

Të plagosur mbetën pronari i dyqanit, Gëzim Hoxha dhe klienti Agur Vrenozi, i cili u transportua në Tiranë për ndihmë të specializuar mjekësore, përcjell albinfo.ch.

Policia ka bërë të mundur arrestimin e njërit prej autorëve kur braktisi veturën dhe tentoi të kalonte në anën tjetër të lumit.

Denis Fyraj nga Vlora u vu në pranga në fshatin Baltes, ndërkohë që tentoi të arratisej.

Fyraj dhe bashkëpunëtori i tij, i cili vazhdon të jetë në kërkim, vodhën një çantë me lekë që u sekuestrua nga policia.