Vendi i parë në botë me kripto valutën e vet

Ishujt Marshall, një shtet në rajonin qendror të Paqësorit, krijuan kripto-monedhën e tyre për të mbledhur para për të paguar faturat dhe për të rritur ekonominë.

Ky komb ishull i vogël njoftoi se ishte i pari në botë që e ka njohur kripto-monedhën si mjet pagese, ku e miratoi ligjin këtë javë, në bazë të të cilit krijoi “Sovereign” ose SOV, shkruan albinfo.ch.

Në një vend prej 60,000 banorë, kjo kripto-monedhë do të ketë të njëjtin status si dollari amerikan, si një formë e pagesës.
Vendi i parë që lansoi kripto-monedhën e vet ishte Venezuela, e cila prezantoi një “Petro” virtuale në mbështetje të rezervave të naftës.

Autoritetet në Ishujt Marshall raportuan se “SOV” do të ishte ndryshe, sepse do të njihej si një mjet ligjor i pagesës i mbështetur nga qeveria e vendit.