Gjithçka gati për ceremoninë e OSCAR-it

Fansat e filmit dhe shumë media botërore kanë zbarkuar në bulevardin e famshëm të Hollywood-it, derisa janë bërë përgatitjet përfundimtare për ndarjen e shpërblimeve “Oscars”.

Kjo është ceremonia e 90-të me radhë e çmimeve vjetore, e cila është më e rëndësishmja në industrinë e filmit, përcjell albinfo.ch.

Që nga viti 1929, ngjarja madhështore tërheq vëmendjen e shumë adhuruesve të filmit në mbarë botën.

Ndërkohë, “Get Out” ka fituar shpërblimin për filmin më të mirë në “Film Independent Spirit Awards”, një ceremoni që mbahet në prag të shpërblimeve “Oscars”.

Në vitet e fundit, filmi që ka fituar “Spirit Awards” ka fituar edhe në Oscar. Ky film së bashku me filmat “The Post”, “Shape of  Water” dhe “Three Billboards outside Ebbing, Missouri”, janë disa nga filmat favoritë për çmimet kryesore.