Në një metro të Vjenës, 4 persona theren me thikë

Sulmuesi duke ikur plagosi në fytyrë edhe një person tjetër dhe ishte zhdukur në drejtim të panjohur

Katër persona u plagosën mbrëmë në kryeqytetin austriak Vjenë, pasi u sulmuan me thikë nga një njeri i panjohur.

Sipas mediave austriake, incidenti ka ndodhur në Metro Station “Nestroplac”, pranë lagjes vjeneze «Prater», kur njerëz të armatosur sulmuan tre anëtarë të një familje – një çift të moshuar dhe vajzën e tyre, duke u shkaktuar lëndime të rënda.

Sulmuesi duke ikur plagosi në fytyrë edhe një person tjetër dhe ishte zhdukur në drejtim të panjohur, përcjell albinfo.ch.

Policia austriake është në kërkim e sipër për të gjetur sulmuesin.

Motivet për sulmin nuk janë të njohura.

Në vendin e ngjarjes arritën gjithsej tetë ambulanca dhe për arsye sigurie, stacioni i metrosë “Nestroplac” ishte mbyllur.