Meta bën thirrje që gratë të mos diskriminohen

Presidenti i Shqipërisë, Ilir Meta, ka uruar të gjitha gratë me rastin e shënimit të Ditës Ndërkombëtare të Gruas, duke thënë se forcimi i familjes është garanci për një Shqipëri të begatë.

“Gëzuar 8 Marsin të gjitha grave, vajzave, nënave dhe motrave, të cilat me shpirtin, dashurinë, sakrificat e përkushtimin e tyre lartësojnë vlerat më të mira të shoqërisë dhe familjes shqiptare. Sot është dita për të reflektuar se ka ende shumë për të bërë që gratë e vajzat të gëzojnë plotësisht liritë e të drejtat e tyre, të mos diskriminohen e të mos vuajnë dhunën në familje e shoqëri. Fuqizimi i tyre social, ekonomik dhe politik është forcim i familjes shqiptare dhe garancia më e sigurt për një Shqipëri evropiane dhe të begatë”, shkruan presidenti shqiptar në një postim në Facebook, përcjell albinfo.ch.