Eleni Foureira nuk i ndjej rivalë shqiptarët e tjerë në “Eurovision”

"Nuk ndjej konkurrencë ndaj tyre. I kam dëgjuar të dyja këngët dhe më pëlqejnë shumë. I uroj fat të dyve pasi janë këngëtarë shumë të mirë”, theksoi Furiera

Këngëtarja shqiptare Eleni Foureira e cila këtë vit do ta përfaqësoj Qipron në festivalin e këngës në “Eurovision” ka folur lidhur me konkurrencën që mund të kenë mes vete pasi këtë vit në këtë festival do këndojnë tre shqiptar.

Në një intervistë për ‘Jo vetëm modë’, Eleni foli për herë të parë pasi kënga e saj ‘Fuego’ që u shpall fituese për të përfaqësuar Qipron në Eurovision.

“Fakti që tre shqiptarë do të ngjiten në skenën e Eurosong më bën të ndihem shumë mirë, shpresoj të shkojmë mirë me njëri-tjetrin. Nuk ndjej konkurrencë ndaj tyre. I kam dëgjuar të dyja këngët dhe më pëlqejnë shumë. I uroj fat të dyve pasi janë këngëtarë shumë të mirë”, theksoi Furiera.