Lajmet e rreme, kërcënim për BE-në

Komisarja e BE-së, Maria Gabriel, ka pranuar rekomandimet e grupit të ekspertëve të ngarkuar me zhvillimin e një plani për të luftuar informacionet e rreme në internet.

Për fenomenin global të lajmeve të rreme, lëshuar pas zgjedhjeve të fundit amerikane, është gjithnjë më i shqetësuar Komisioni Evropian (KE) në prag të zgjedhjeve evropiane që do të mbahet në vitin 2019. Sipas Eurobarometrit më të fundit, i cili mat opinionin publik të qytetarëve të BE-së, ky fenomen shqetëson publikun e gjerë evropian, shkruan albinfo.ch.

Tetëdhjetë e tre për qind e qytetarëve evropianë besojnë se informacioni i rremë përbën një kërcënim për demokracinë. Shumica e shtetasve evropianë nuk kanë pothuajse besim në mediat online, radio gëzon besimin më të lartë me 70 për qind, televizion 66 për qind dhe media të shtypura 63 për qind.

Në këtë kontekst, grupi evropian i ekspertëve të pavarur edhe paraqiti një sërë rekomandimesh për të luftuar këtë fenomen, si nxitjen e leximit të mediave, zhvillimin e mjeteve që do të lejojnë gazetarët të merren me lajme të rreme, si dhe ruajtjen e diversitetit të medias evropiane.

Raporti gjithashtu kërkon krijimin e një Kodi Parimi për platformat në internet dhe mediat sociale, i cili përmban kërkesa të tilla, si transparenca në lidhje me mënyrën se si algoritmet zgjedhin dhe rendisin informacionin. Platformat kërkojnë një dallim të qartë ndërmjet përmbajtjes së sponsorizuar dhe llojeve të tjera të informacionit.

Në pranverë, Komisioni Evropian do të publikojë një dokument që përshkruan strategjinë evropiane për të luftuar lajmet e rreme dhe dezinformimin on line. Dokumenti do të bazohet në këtë raport të ekspertëve, si dhe në konsultimin e gjerë publik.

Ky dokument do të zbatohet për vendet anëtare të BE-së, por jo për vendet kandidate.

Institucionet evropiane kanë një trup të veçantë për të luftuar keqinformimin që rrjedh nga Rusia.