Londra është qyteti më i mirë në Evropë për kompanitë dhe punonjësit

Teleferiku në Londër

Londra për të dytin vit radhazi udhëheq sipas «Indeksit të Colliers International» listën e qyteteve më atraktive në Evropë për kompanitë dhe punonjësit.

Ai vlerëson qytetet sipas atraktivitetit të qiramarrësve, praninë e talenteve dhe faktorëve që lidhen me cilësinë e jetës, midis prodhimit ekonomik dhe produktivitetit. Parisi, Madridi, Moska dhe Birminghami janë top pesë qytete në këtë rangim, shkruan albinfo.ch.

“Londra ka provuar elasticitetin dhe magnetizmin e saj si një qendër globale pas referendumit të BE-së. Numri i madh i investitorëve dhe qiramarrësve e përcakton qytetin si vendin më të mirë për të bërë biznes”, thotë përfaqësuesi i Degës në Londër i “Colliers International”, David Hanrahan.

Raporti tregon se Mbretëria e Bashkuar mbetet një destinacion shumë i dëshiruar për kapitalin dhe qiramarrësit për shkak të magnetizmit të një qendre të shërbimeve të ndryshme cilësore, gjë që ndihmon në rritjen e prodhimit ekonomik dhe produktivitetit. Tri qytete të tjera britanike janë në top10 – Birmingham në vendin e pestë, Edinburg në vendin e shtatë dhe Manchester në vendin e dhjetë. Mynihu, Cyrihu dhe Milano janë në top 10.

Madrid hyn në vendin e tretë në renditje, pasi që ishte në vendin e tetë vitin e kaluar. Më 2017 kryeqyteti spanjoll u shndërrua në tregun e tretë më të madh të investimeve në Evropë për herë të parë që investitorët e kuptojnë potencialin e konsiderueshëm të qytetit në afat të gjatë, komentoi “Colliers International”.

Surprizë më e madhe është Edinburg, tregu i vetëm “i vogël” (popullsia e qytetit është më pak se 2 milionë njerëz) në dhjetë të parët.

“Fuqia e tregut të hapësirës për zyra është nxitësi i ekonomisë urbane dhe stimulon të gjitha format e tjera të kërkimit të pronës – zyra, hotele, ndërtesa banimi. Nivelet e larta të pagave çojë në qiratë më të larta, dhe në afat të gjatë është faktori më i rëndësishëm për vlerën e kapitalit, veçanërisht në një mjedis ku nuk ka mundësi për një reduktim më të madh në përfitimin e tregjeve më të mëdha”, tha Peter Lejborn, drejtor i Departamentit të Shërbimit për Klientët për Evropën, Lindjen e Mesme dhe Afrikën në «Colliers International».