Dy të vdekur e një i plagosur në Komsi të Matit

Foto ilustrim

Dy persona kanë vdekur dhe një është lënduar në një aksident tragjik që ka ndodhur mbrëmë në vendin e quajtur “Lapidari”, në Komsi të Matit.

Mësohet se një 15-vjeçar ka qenë duke drejtuar mjetin kur ka goditur një motoçikletë. Ai kishte marrë makinën e të atit në rrethana ende të paqarta dhe pas aksidentit është larguar nga vendi i ngjarjes, për t’u dorëzuar në polici disa orë më pas, nën shoqërimin e të atit, përcjell albinfo.ch.

Në aksident mbeten të vdekur 29-vjeçari Gentian Hamiti dhe 35-vjeçari Alfred Balla, të dy nga Komsia e Matit. Mësohet se automjeti që drejtonte 15-vjeçari u përplas fillimisht me një motor dhe më pas goditi njerëzit në trotuar.