Kaos në Meksiko City pas ikjes së majmunit

Një majmun i vogël kishte ikur nga shtëpia e tij në Meksiko City për disa orë dhe shijoi lirinë aq sa iu mundësua.

Për disa orë, trafiku ishte në kaos në avenynë kryesore ‘Reforma’ shkaku i pranisë së majmunit, i cili hidhej nga lisat, duke detyruar veturat të ndaleshin, përcjell albinfo.ch.

Shërbimet emergjente të qytetit, zjarrfikësit dhe të punësuarit në kopshtin zoologjik ‘Chapultepec’ tentuan ta kapin majmunin, duke mos e lënduar. Majmuni, gjatë aventurës së tij, përfundoi te shtëpia e ambasadorit amerikan në Meksikë, duke u hedhur nga lisi në lis. Dhe që nga ajo kohë nuk është parë. Ky lloj majmuni jeton kryesisht në Amerikën Qendrore dhe jugore dhe kryesisht jeton në male.