Detaje tjera tmerruese nga aksidenti ku humbi jetën vozitësi maqedonas

Dëmi i përgjithshëm i shkaktuar llogaritet në rreth 150 000 euro

Gjatë një aksidenti të tmerrshëm në autostradën gjermane A44, mëngjesin e së enjtes jetën e ka humbur një vozitës kamioni. Sipas informatave policore, vozitësi e ka humbur kontrollin mbi kamionin e tij në mes të Witten-Zentrum dhe Witten-Stockum.

Tashmë dihet se vozitësi i kamionit ka qenë shtetas 29-vjeçar maqedonas. Për shkaqe ende të panjohura, rreth orës 06.50 kamioni ka devijuar nga ana e djathtë nga autostrada. Fillimisht, vozitësi ka goditur barrierën e rrugës, që më pas ta godasë ballëpërballë shtyllën e betonit të një mbikalimi.

Gjatë aksidentit, vozitësi 43-vjeçar ka humbur jetën në vendin e ngjarjes. Nxjerrja e kufomës nga kamioni ka zgjatur rreth dy orë, shkruajnë mediat gjermane, përcjell Albinfo.ch.

Pas aksidentit, policia gjermane ka numëruar së paku tre kureshtarë që kanë filmuar vendgjarjen, që në komunikacion nuk është e preferuar. Dëmi i përgjithshëm i shkaktuar llogaritet në rreth 150 000 euro.