Flasin ekspertët: Sa gjasa ka të zgjidhet konflikti mes Shkupit dhe Athinës?

Gazeta më e vjetër botërore, Wiener Zeitung, i ka kushtuar një artikull kontestit të emrit mes Greqisë dhe Maqedonisë. Në lidhje me zgjidhjen përfundimtare të dy shteteve fqinje, në intervistë është marrë eksperti austriak Vedran Dzihic dhe Dusan Reljic.

“Është pjekur koha për një zgjidhje – dhe të dyja shtetet kanë nevojë për të. Pas një periudhe bllokadash mes njëri tjetrit, ka ardhur koha për hapa para,” tha Dzihic, përcjell albinfo.ch. “Maqedonia është e interesuar për anëtarësim në NATO dhe BE, ndërsa Greqia do përmirësonte imazhin e saj.”

Në anën tjetër Dzihic mendon se politika nuk duhet të stepet nga protestat e mundshme.

Sa më shumë zgjatet, aq më pak gjasa për kompromis

Më pak optimist është ekperti tjetër ballkanik, Dusan Reljic, nga instituti gjerman SWP.

“Sa më shumë kalon koha, aq më shpejt mbyllet dritarja,” tha Reljic duke shtuar se më vështirë është për kryeministrin Alexis Tsipras që ka krijuar qeverinë me radikalët e djathtë Nea Dimokratia. “Mbase përfaqësuesit e familjes së partive konservatore mund të ushtronin ndikim te Nea Dimokratia që të mos shfrytëzonte këtë aspekt për fushatë zgjedhore, megjithatë është e vështirë, pasi askush nuk do dëshironte të digjte reputacionin nga ky konflikt.”

Gjithashtu qeveria maqedonase është një shumicë e thjeshtë dhe kërkesat maksimale greke, mund të bëheshin të papërballueshme. Greqia kërkon të ndryshojë jo vetëm emrin e Maqedonisë, por edhe emërtimin e grupit etnik, vijon Reljic. “Kjo prek direkt në identitetin.” Që për Shkupin është linjë e kuqe.