Forcohet euro kundrejt dollarit

Ilustrim

Dollari amerikan shënoi rënie. Indeksi i dollarit amerikan që e krahason atë me gjashtë prej homologëve më të rëndësishëm të grupit ra me 0.2 për qind, në 89.985 DXY.

Indeksi i dollarit shënoi një rritje me 0.6 për qind gjatë gjithë kësaj jave, ku niveli i tij më i lartë ishte ai prej 90.178 DXY.
Indeksi i dollarit ra me më shumë se 2 për qind gjatë tremujorit të parë të këtij viti, njëkohësisht edhe tremujori i tij i pestë radhazi i rënieve, shkruan albinfo.ch.

Dollari amerikan humbi pikë mëngjesin e sotëm kundrejt jenit. Ai ra me 0.2 për qind dhe u këmbye me 106.245 dollarë amerikanë për jen. Gjatë gjithë kësaj jave ai ka shënuar një rritje prej 1.5 për qind, ndërsa për tremujorin e parë të këtij viti ka shënuar rënie prej 5.7 për qind.

Monedha euro shënoi një rritje prej 0.15 për qind kundrejt dollarit amerikan, duke u këmbyer me 1.2317 euro për dollarë amerikanë. Gjatë kësaj jave ajo shënoi një rënie prej 0.3 për qind, ndërsa për tremujorin e parë të këtij viti shënoi një rritje prej 2.6 për qind.

Paundi u rrit me 0.1 për qind kundrejt dollarit amerikan, duke u këmbyer me 1.4031 paund për dollarë amerikanë.
Sterlina avancoi me 3.9 për qind gjatë këtij tremujori të parë, njëkohësisht edhe performanca e tij më e mirë që prej mesit të vitit 2015.

Dollari australian u rrit me 0.1 për qind kundrejt dollarit amerikan dhe u këmbye me 0.7684 dollar australian për dollar amerikan.
Dollari australian shënoi një rënie prej 1.7 për qind gjatë tremujorit të parë të këtij viti.