Therë për vdekje shokun në Shkodër

Ilustrim

Policia shqiptare identifikoi Kristjan Shkambin si autor të vrasjes me thikë gjatë ditës së djeshme në Shkodër.

Ai goditi për arsye ende të paqarta me thikë shokun e tij, Kole Fermasi duke e lënë të vdekur në vend, përcjell albinfo.ch.

Ngjarja ndodhi në fshatin Hot i Ri të Shkodrës, ku duke pirë Shkambi e ka goditur Fermasin me thikë, gjë e cila i ka sjellë vdekjen. Sipas mediave shqiptare ata ishin shokë, por një zënkë mes tyre bëri që Shkambi të therë me thikë Fermasin, i cili më pas ndërroi jetë.

“25-vjeçari ka humbur jetën, ndërsa autori Kriatian Shkambi 30 vjeç është arrestuar në kohë rekord nga forcat e policisë pak larg vendit të ngjarjes”, bën me dije policia shqiptare.