Gjykata vendos për 23 të arrestuarit e Kukësit: ata nuk i pranojnë akuzat

Gjykata pritet të japë masën e sigurisë për të arrestuarit ndërsa të gjithë të pandehurit kanë thënë se janë të pafajshëm duke hedhur poshtë akuzat e prokurorisë

Ndërkohë Gjykata në Tiranë ka vendosur marrën e arrestit me burg për 20 ditë për 11 prej 23 të arrestuarve në Kukës. Për dy persona është marrë masa e sigurisë arrest shtëpie dhe për 10 detyrim me paraqitje. Por familjarët e tyre edhe një here i kanë dhënë ultimatum kryeministrit Rama që sa më parë ti liroj të burgosurit ose kanë thënë se populli i Kukësit do të jetë çdo ditë në protestë.

……

Ka eskaluar situata në Gjykatën e Tiranës  gjatë seancës për protestuesit e arrestuar të shtunën pas  protestës kundër taksës në “Rrugën e Kombit”. Deputetë të PD-së dhe familjarë të personave të arrestuar tentuan të futeshin brenda sallës së gjyqit.

Gjykata pritet të japë masën e sigurisë për të arrestuarit ndërsa të gjithë të pandehurit kanë thënë se janë të pafajshëm duke hedhur poshtë akuzat e prokurorisë. Prokuroria ka pretenduar se ka pamje filmike. Trupi gjykues është tërhequr për të marrë vendimin. Prokuroria ashtu siç kishte paralajmëruar ka kërkuar arrest me burg për 11 prej tyre, për 5 të tjerë arrest shtëpiak ndërsa për 7 të tjerë detyrim me paraqitje në polici.

Rreth 1 mijë policë kanë qenë të angazhuar për të mbajtur qetësinë në këtë proces gjyqësor. Deputeti i Partisë Demokratike, Edmond Spaho është gjakosur në përleshjet e tij me policinë derisa nuk ishte lejuar të hyjë në seancë.

“Do të përplasen me qytetarët, do të përplasen me ne. Forcat e policisë ushtruan dhunë. Me dhunë Edi Rama nuk do ta ketë të gjatë”, deklaroi Spaho.