Sërish protestohet para Rektoratit për ngacmimet seksuale në UP

Pesë organizata studentore sërish do të protestojnë sot te Rektorati i Universitetit të Prishtinës kundër ngacmimeve seksuale, përcjell albinfo.ch.

Ato thonë se shkarkimi i ish-prorektores Pustina-Krasniqi nuk ka qenë kërkesa e vetme e angazhimit të tyre dhe protesta do të vazhdojë derisa të plotësohen të gjitha kërkesat.

Tri kërkesat e këtyre organizatave studentore janë: Ndryshimi i Kodit të Etikës për personelin akademik dhe futja e ngacmimeve seksuale në dispozitat e tij. 2. Krijimi i Komisionit Hetues me pjesëmarrje të gjerë shoqërore për hetimin e ngacmimeve seksuale, si dhe kërkim falje nga Universiteti i Prishtinës për të gjitha rastet e ngacmimeve seksuale deri tani dhe për mungesën e veprimit për rastet e paraqitura.