Një sferë e vogël shpëton botën nga mungesa ujit

Kompania e cila prodhon sferën, Marine Tech pritet që të ketë 50 për qind rritje të kërkesës për ujin e freskët të pijshëm deri në vitin 2030

Një kompani franceze shpreson që të bindë botën që një sferë e pastër pak më e madhe se një metër në diametër është zgjidhje për krizën me ujë në botë.

‘Helio’ përdor rrezet e diellit për të distiluar ujin duke e avulluar atë nga shtegu i vendosur në mes të sferës, që mbledh ujin në majën e saj dhe më pas grumbullon pikat. “Në këtë sferë ka ujë nga deti që ngjitet lart. Avullohet dhe me nxehtësinë e diellit ngjitet në mure të sferës dhe pikat grumbullohen poshtë”, ka thënë Laura Stank, inxhiniere e projektit.

Kompania e cila prodhon sferën, Marine Tech pritet që të ketë 50 për qind rritje të kërkesës për ujin e freskët të pijshëm deri në vitin 2030, e shumë shtete qysh tani vuajnë nga mungesa e ujit.

Kreu i kësaj kompanie, Thierry Carlin ka thënë nga fabrika eksperimentale e ujit në bregdetin francez që aparati është i lirë dhe i qëndrueshëm derisa mund të punojë për 30 vjet dhe tashmë ka ngjallur interesim në qytetin pa karbon, Masdar.

Helio mund të trajtojë çfarëdo lloj uji të papërshtatshëm për konsumim, pohon kompania me nivel shumë të lartë të temperaturës në pjesën e lartë të saj e cila vret bakteret dhe insektet.