Sulmohet me raketa aeroporti ushtarak sirian, mbesin të vrarë edhe ushtarë iranianë

SHBA dhe Franca kërkojnë të reagojnë më “fuqishëm” kundër sulmit me armët kimike nga Bashar Al Assadi. Së fundi është bombarduar një aeroport ushtarak në Siri. Uashingtoni ka mohuar hë për hë pjesëmarrjen në sulm.

AFP PHOTO / STRINGER

Një bazë ushtaraka e regjimit sirian në Homs, perëndim të Sirisë, është bombarduar nga raketat. Kjo është konfirmuar edhe nga vetë agjencia e lajmeve siriane SANA, të dielën në mbrëmje, informon albinfo.ch. Baza ushtarake ishte aeroporti Taifur, ku mbetën të vrarë sëpaku 14 persona, mes tyre edhe ushtarë iranianë.

Sulmi ka ndodhur pak pas kritikave të ashpra nga perëndimi për regjimin sirian dhe aleatët e tij Iran dhe Rusi, për përdorimin e armëve kimike në Dumën lindore ku mbetën të vrarë 150 persona.

Në një akt të rrallë kritikash të forta, presidenti amerikan Donald Trump deklaroi “Presidenti Putin, Rusia dhe Irani janë përgjegjës” për mbështetjen që i japin “kafshës Asad,” president i Sirisë. Gjithashtu presidenti francez Manuel Macron bëri me dije se nëse Assad do përdorë armë kimike, Franca do ndërhyjë ushtarakisht.