Basha kërkon nga bizneset të mos kenë frikë dhe të protestojnë

"Nuk na frikëson dot Edi Rama me hetuesi politike, le të vijnë të më arrestojnë mua të parin. Nuk na arrestojnë dot të gjithëve, mos kini frikë. Ngrihuni!"

Kryetari i Partisë Demokratike, Lulzim Basha, i bëri thirrje biznesit të vogël që të protestojë. “Mos kini frikë-sepse vetëm duke u ngritur dhe protestuar mund t`i rikthehet shpresa këtij vendit”, ka thënë Basha në një takim me bizneset, ku u diskutua  për vendimin e qeverisë që rritjen e TVSH-së.

Basha tha se qëllimi i kryeministrit Rama është të grabisë shumicën dhe fitimet t`ia japë pakicës.

“Kemi qenë, jemi dhe do të jemi në krahun tuaj. Nuk na frikëson dot Edi Rama me hetuesi politike, le të vijnë të më arrestojnë mua të parin. Nuk na arrestojnë dot të gjithëve, mos kini frikë. Ngrihuni! Nuk ka rrugë tjetër. Fjalët e kanë humbur kuptimin, vetëm veprimi do të rikthejë shpresën në këtë vend”, tha ai.