AI: Në 2017 kanë ndodhur 993 ekzekutime të të burgosurve, një shtet mban sekret shifrat

Sëpaku 993 persona janë dënuar me ekzekutim në 2017 - më shumë se gjysma e tyre në Iran. Ndërsa një shtet tjetër fsheh shifrat e ekzekutimeve të të dënuarve, shkruan në raportin e fundit Amnesty International.

Ata janë varur, gjuajtur ose kanë vdekur përmes ndonjë injeksioni: sëpaku 993 persona janë ekzekutuar gjatë 2017, përcjell albinfo.ch. Pra ka 39 raste të dokumentuara më pak sesa 2016.

Por këtu nuk mund të jemi të sigurtë pasi ka shtete si Kina, të cilët e mbajnë sekret numrin e ekzekutimeve. Sipas disa analizave në Kinë ka më tepër dënime me vdekje sesa në gjithë botën tjetër sëbashku.

Në 23 shtete është dokumentuar dënimi me vdekje, ndërsa 84 përqind e dënimeve të tyre kanë ndodhur në shtetet vijuese:

Iran (sëpaku 507)
Arabia Saudite (146)
Irak (sëpaku 125)
Pakistan (sëpaku 60)
Në Iran pesë nga të dënuarit ishin minorenë.

Në SHBA janë ekzekutuar 41 të burgosur, ndërsa i vetmi vend europian që ka akoma me ligj dënimin me vdekje është Bellorusia.