Rama i reagon Bashës për deputetin gjerman

Kryeministri i Shqipërisë, Edi Rama ka reaguar ndaj kryetarit të Partisë Demokratike. Lulzim Basha, i cili e akuzoi për ofendim të deputetit gjerman Gunther Krischbaum, por që është mohuar nga kreu i qeverisë shqiptare.  “Sapo paske thënë në shqip për publikun, atë që me ndihmën e “dashamirësve” të Shqipërisë, ke shkruar gjermanisht dhe dërguar dje në Berlin, për gjoja sulmin e financuar prej meje në kazanin mediatik të Tiranës, ndaj zotit Gunther Krischbaum!”, e ka nisur kështu reagimin e tij Rama, përcjell albinfo.ch.

Ai ka thënë se Krischbaum nuk është miku i tij e i qeverisë dhe se nuk pajtohen me opinionin e tij për punën e qeverisë për të cilin ka thënë se ia ka thënë në takimet që kanë pasur. Rama thekson se deputeti gjerman  ka të gjithë respektin e tij për ndihmën që dha dhënë.

“Jo ai po asnjë i huaj i interesuar për Shqipërinë, nuk ka qenë e s’mund të jetë shënjestra e ndonjë sulmi të orkestruar prej meje apo prej Partisë Socialiste. Kurrë! Unë dhe Partia Socialiste, jo vetëm s’jemi marrë me asnjë lloj shkrimi për mikun tënd gjerman, po s’jemi marrë asnjëherë as me vetë jetën tënde personale a me familjarët e tu, siç ti dhe partia jote keni bërë e bëni pa pushim me zë e me figurë, me jetën time personale, me familjarët e mi dhe me jetën e familjarët e plot kolegëve të tjerë”, ka shkruar Rama.