Arrestohen grabitësit që vranë burrin në Kamzë

Nga dëshmia e bashkëshortes mësohet se të rinjtë nga Burreli kanë drejtuar armën drejt fëmijës 6-vjeç, gjë që ka sjellë edhe përplasjen mes tyre dhe biznesmenit

Policia shqiptare ka vënë në pranga dy të dyshuarit për ngjarjen në Kamzë, ku u vra pronari i minimarketit dhe u plagos gruaja e tij.

Nga raportimet e para mësohet se të dyshuarit janë dy të rinj nga Burreli të cilët në përpjekje për të grabitur minimarketin kanë vrarë me plumb në gjoks Agim Buci dhe kanë plagosur bashkëshorten e tij, përcjell albinfo.ch.

Të ndaluarit jetonin në Kamzë, njëri prej tyre është me inicialet V. K.

Nga dëshmia e bashkëshortes mësohet se të rinjtë nga Burreli kanë drejtuar armën drejt fëmijës 6-vjeç, gjë që ka sjellë edhe përplasjen mes tyre dhe biznesmenit.

Kamerat e sigurisë së biznesit filmuan dy autorët, të cilët ishin me kapele.

Për identifikimin dhe dhënien e informacioneve të vlefshme për vendndodhjen e tyre, Policia e Tiranës vendosi edhe shpërblim prej 5 milionë lekë të vjetra.