Dy shpërthime me tritol në Vlorë, vetëm dëme materiale

Qyteti i Vlorës është tronditur mbrëmë nga dy shpërthime me tritol që ndodhën në dy shtëpi, por përveç dëmeve materiale, nuk kanë shkaktuar viktima, përcjell albinfo.ch.

“Lidhur me eksplozivët që iu vendosën dy shtëpive në Vlorë gjatë natës, i pari ka ndodhur rreth orës 2:30, në lagjen “Lirim”, pranë derës së banesës së shtetasit Fatjon Bata, 29 vjeç, është vendosur lëndë eksplozive, tritol.

Nga shpërthimi nuk ka të dëmtuar, vetëm dëme materiale. Rreth orës 3:30, në lagjen “15 Tetori”, pranë portës së banesës së shtetasit G.Ç., 69 vjeç, është vendosur lëndë eksplozive, tritol.

Nga shpërthimi nuk ka të dëmtuar, vetëm dëme materiale”, thuhet në njoftimin e policisë. Policia thotë se hetimet për zbardhjen e plotë të rrethanave të ngjarjes dhe për identifikimin e kapjen e autorëve po vazhdojnë.