OBSH: 7 milionë të vdekur në vit nga ndotja e ajrit

Organizata Botërore e Shëndetësisë ka njoftuar se nga ndotja e ajrit 7 milionë njerëz vdesin çdo ditë, pothuajse shumica prej tyre në shtete të varfra në Azi dhe Afrikë dhe se 9 në çdo 10 persona në planet, thithin ajër të ndotur.

Sipas këtij institucioni shëndetësor, rreth një e katërta e vdekjeve ndodhin nga sëmundjet e zemrës, sulmet dhe kanceri në mushkëri, e që të gjitha i atribuohen ajrit të papastër, përcjell albinfo.ch.

Këto shifra mbeten të pandryshuara viteve të fundit derisa niveli i ndotjes së ajrit globalisht mbetet i lartë dhe i pandryshueshëm, derisa veç e veç në shtete shifrat janë, po ashtu, alarmante, sidomos në ato të varfra.

Në këto vende banorët ende përdorin qymyr për ngrohje apo gaz e rrymë. Gratë e fëmijët janë më së shumti të rrezikuar, pohon OBSH-ja. Raporti i OBSH-së është përpiluar me të dhënat e marra nga sateliti në më shumë se 4300 qytete. E, në tetor kjo organizatë planifikon të mbajë konferencën e parë për ndotjen e ajrit dhe shëndetin për të përshpejtuar ndryshimet në nivel global.