Veliaj: Rita Ora e Ermal Meta me koncerte në Tiranë

Në muajin qershor në sheshin “Skënderbej” në Tiranë do të mbajë koncert këngëtarja me famë botërore Rita Ora si dhe përfaqësuesi i Italisë në Eurovision, Ermal Meta.

Njoftimin e ka dhënë kryetari i Bashkisë së Tiranës, Erion Veliaj, i cili ka thënë se këtë sezon vere kryeqyteti do të jetë stacioni i yjeve të muzikës botërore, përcjell albinfo.ch.

“Në datën 3 qershor do të jetë këtu Rita Ora. Por, meqë jeni kaq entuziast nuk po ju them surprizat e tjera të qershorit dhe korrikut, por e di që keni votuar pafund dhe do të bëjmë çmos që të gjithë artistët që janë në tur në Evropë të kenë patjetër një stacion në Tiranë”, ka deklaruar Veliaj. Ai ka deklaruar se për Tiranën këtë vit do të jetë verë fantastike.