Presidenti i Shqipërisë, tifoz i Zvicrës

Zvicra shembull i integrimit të shqiptarëve

Presidenti i Shqipërisë, Ilir Meta njihet që është tifoz me Holandën, por meqë skuadra e tij e zemrës nuk u kualifikua në këtë Botëror, ai do të mbështesë Zvicrën.

Në një takim me presidentin e Këshillit të Madh të Gjenevës, Eric Leyvraz, Meta tha se do të mbështesë Zvicrën, për shkak se në kombëtaren e saj ka shqiptarë dhe komuniteti shqiptar është i integruar më së miri në shoqërinë zvicerane, përcjell albinfo.ch.

Nga akademitë sportive zvicerane, tha Meta vijnë dhjetëra talente që japin kontributin e tyre në kombëtaren shqiptare.

Siç dihet Zvicra është kualifikuar në Kampionatin Botëror dhe pritet të ftohen pesë futbollistë shqiptarë, Xherdan Shaqiri, Granit Xhaka, Valon Behrami, Blerim Xhemaili dhe Admir Mehmedi.