Bie numri i azilkërkuesve në Austri

Grupi më i madh i azilkërkuesve vazhdon të jetë nga Siria (1 241 aplikime)

Numri i azilkërkuesve në Austri ka vazhduar të bie ndjeshëm duke u regjistruar vetëm 5 011 aplikime në tremujorin e parë të vitit 2018, deklaroi ministrit austriak i Punëve të Brendshme.

Kjo është një rënie me më shumë se 41%, krahasuar me tremujorin e vitit 2017.

Nëse ky trend vazhdon, atëherë do të ketë rreth 15 000 aplikime gjithë vitin, duke e bërë numrin më të ulët të aplikimeve që prej vitit 2011.

Grupi më i madh i azilkërkuesve vazhdon të jetë nga Siria (1 241 aplikime), ndonëse ka pësuar një rënie me 52% në krahasim me të njëjtën periudhë vitin e kaluar, përcjell Atsh.

Ndërsa grupi i dytë më i madh ishte nga Afganistani (768 aplikimi, në rënie me 45%), transmeton albinfo.ch.