Turqia po tërheq më shumë pushues zviceranë

Që nga përpjekja e grushtit të shtetit dhe sulmet terroriste në vitin 2016, rezervimet janë reduktuar, tani pritet të shtohen përsëri

“Ne shohim një plus të madh për këtë verë”, thotë një zëdhënëse e operatorit turistik TUI. Turqia renditet e katërta e destinacioneve më të njohura të udhëtimit në Evropë këtë vit. Edhe konkurrentja Kuoni flet për një plus të rëndësishëm. Rezervimet në “Hotelplan Suisse” janë rritur me dy të tretat.

Megjithatë, operatorët turistikë relativizojnë. Rritja ndodh në një nivel të ulët. Që nga përpjekja e grushtit të shtetit dhe sulmet terroriste në vitin 2016, rezervimet janë reduktuar, tani pritet të shtohen përsëri.

Organizatorët nuk besojnë se turistët rezervojnë tani për shkak të rënies së monedhës vendëse në Turqi. “Natyrisht, gjithçka është më e lirë për turistët vendës tani”, thotë zëdhënësja Prisca Huguenin-dit-Lenoir e “Hotelplan Suisse”. Lira turke nuk ka ndikim në ofertat e udhëtimit. “Ne i shesim këto në euro”. Përveç kësaj, ofertat janë shpesh paketa gjithëpërfshirëse. Më pas nevojiten para për pije shtesë, ushqim dhe pazar.

Vlera  e lirës ka rënë nga grushti i shtetit dhe sulmet terroriste në vitin 2016. Që nga e marta, lira vazhdon rënien. Pjesërisht përgjegjës për këtë është presidenti turk Erdogan. Në një intervistë me Bloomberg, ai njoftoi se donte të ushtronte më shumë ndikim në Bankën Qendrore pas zgjedhjeve në qershor. Pas deklaratave të Erdoganit, lira kishte shënuar një vlerë rekorde të ulët.