Raketa ruse BUK rrëzoi aeroplanin malejzian me pasojë vdekjen e 298 pasagjerëve

foto: reuters/michael kooren/file photo

Ekipi hollandez i hetimeve bëjnë përgjegjës një raketë ruse Buk, si shkaktar të rrëzimit të aeroplanit malejzian “Boeing 777” të kompanisë ajrore “Malaysian Airlines” në lindje të Ukrainës në 17 korrik 2014, shkruan “Der Standard”. Gjatë këtij incidenti vdiqën 298 pasagjerë.

Avioni ishte duke udhëtuar nga Amsterdami drejt Kuala Lumpurit. Në konferencën për shtyp të mbajtur në Hagë gjatë kësaj të enjteje, policia dhe prokurorët holandezë treguan provat fotografike dhe filmike, që sipas tyre provojnë të kenë identifikuar sistemin specifik “BUK” për qëllimin e avionit. Ata thanë gjithashtu se, tashmë kanë “prova ligjore dhe bindëse që mund të paraqiten përpara gjykatës”, se sistemi “BUK” i përfshirë në këtë tragjedi vjen nga Brigada e 53-të e raketave antiajrore që ndodhet në Kursk, në perëndim të Rusisë, përcjell albinfo.ch.

Megjithatë, autoritetet ruse kanë mohuar përfshirjen në këtë incident dhe kanë paralajmëruar veton në OKB për hetim ndërkombëtar të rastit në Tribunalin e Hagës.