Këtu do flejë Kim Jong Un, por nuk dëshiron ta paguajë

Megjithatë, takimi i paraparë mes presidentit Donald Trump dhe liderit koreanoverior Kim Jong Un, do të ndodhë në Singapur, ashtu siç ishte paraparë në 12 qershor.

Në samitin e Singapurit, ku përveç shtrëngime duarsh do ketë edhe marrëveshje mes dy shteteve, tani është shfaqur një ngecje tjetër; kush do të paguajë faturën e hotelit për Kim Jong Un. Ai do flejë në hotelin “The Fullerton”, ku çmimi varion rreth 6000 euro. Por Korea Veriore nuk ka dashur të marrë mbi vete shpenzimet.

Siç mëson më tepër Washington Post, amerikanët druhen se pagesa e drejtpërdrejtë nga Uashingtoni mund të interpretohet si “ofendim” nga ana e Koresë së Veriut dhe për këtë po përpiqen që të gjejnë mundësinë që fatura të paguhet në emër të Singaporit.