Rita Ora falënderon shqiptarët

Ylli i muzikës botërore, Rita Ora, që mbrëmë dha një spektakël në Tiranë, ka falënderuar shqiptarët që morën pjesë në koncertin e saj.

“Të gjithë 250,000 njerëz që ishin aty me mua, ju falënderoj. Ju mund të jeni kudo në botë dhe ishit aty për mua. Kam kaluar kohën më të bukur ndonjëherë”, ka shkruar Rita në rrjetet sociale, përcjell albinfo.ch.

Madje, ajo ka postuar edhe një foto, duke bërë simbolin e shqiponjës. E kryeministri i Kosovës, Ramush Haradinaj, dhe kreu i Bashkisë së Tiranës, Erion Veliaj, kanë ndjekur performancën magjike të këngëtares Rita Ora gjatë koncertit të saj në kryeqytetin shqiptar.

“Të mbushë krenari prania në sheshin “Skënderbe” të Tiranës, që tuboi shqiptarët nga të gjitha hapësirat”, ka shkruar Haradinaj.