Banorët në protestë, bllokojnë rrugën Tropojë-Valbonë

Banorët thonë se shpërthimet kanë shkaktuar dëme të mëdha edhe në shtëpitë e tyre. Edhe Policia e Kukësit ka njoftuar se prej këtyre shpërthimeve është dëmtuar edhe linja elektrike

Banorët e Dragobisë në Tropojë, në shenjë proteste për shpërthimet me eksploziv që, sipas tyre, po kryhen në kuadër të punimeve për ndërtimin e HECE-ve në këtë zonë, kanë bllokuar rrugën kombëtare Tropojë-Valbonë, duke paralizuar lëvizjen e mjeteve.

Banorët thonë se shpërthimet kanë shkaktuar dëme të mëdha edhe në shtëpitë e tyre, transmeton albinfo.ch.

Edhe Policia e Kukësit në një deklaratë për media ka njoftuar se prej këtyre shpërthimeve është dëmtuar edhe linja elektrike. Policia po ashtu njofton se ka nisur një hetim për dokumentimin e ngjarjes.