Ferizaji i gatshëm për muajin e bashkatdhetarëve

Komunat e Kosovës janë duke planifikuar aktivitete të ndryshme për nderë të bashkatdhetarëve.

Komuna e Ferizajt gjatë ditës së sotme ka mbajtur mbledhjen në të cilën janë diskutuar aktivitetet me të cilat do të shënohet “Muaji i Mërgimtarëve”.

Kryetari i Ferizajt, Agim Aliu njoftoi drejtorët e drejtorive komunale për aktivitetin e realizuar dhe planet afatshkurtra që synohen të realizohen.

Në këtë mbledhje u njoftua gjithashtu për përgatitjet që ka bërë qeverisja lokale për të mirëpritur mërgimtarët, me ç ‘rast kryetari i Ferizajt, Agim Aliu theksoi se këtë vit është angazhuar me kapacitet të plotë gjithë mekanizmi komunal për të lehtësuar shërbimet e administratës ndaj bashkatdhetarëve, janë bërë ndërhyrje edhe në rregullimin e trafikut rrugor si dhe në rritjen e kapacitetit të ofrimit të shërbimeve shëndetësore, pa lënë anash edhe aktivitetet kulturore-sportive që po organizohen në kuadër të “Ditët e Diasporës” dhe ndërhyrje të tjera me qëllim që të përballohet fluksi i shtuar i shërbimeve lokale në këtë sezon veror.