Gashi tregon pse diaspora s’po investon në Kosovë

Ministri i Diasporës i Kosovës Dardan Gashi ka deklaruar se pasiguria juridike është faktori kryesor i mos ardhjes për të investuar në Kosovë shumica e investitorëve të huaj përfshirë edhe diasporën.

Gashi ka thënë se sfidat e investimeve të diasporës në Kosovë janë të njëjta me investitorët vendor. Ai ka thënë se për një lëndë të caktuar në gjykatë i duhet investitorit të presë tre deri ne 4 vjet.

“Aspekti kryesor është pasiguria juridike sa i përket investimeve, mbrojtja e investimeve. Nuk mund dikush të investoj në Kosovë qoftë vendor, ndërkombëtar apo diaspora kur për një lëndë në gjykatë pritet me 3-4 vite e më shumë për të zgjidh një kontekst juridik që ka të bëjë me një investim apo konflikt financiar ekonomik”, ka thënë ministri Gashi në një intervistë për EO.

Ai ka treguar se vetëm në vitin 2017  më shumë se 740 milionë euro ishte vlera e remitencave nga diaspora.