Nacionaliste kroate, çiltërsi amerikane

Presidentja kroate Kolinda Grabar-Kitarovic fitoi shumë simpati në Moskë. Politikanja konservatore mund të rizgjidhet në vitin e ardhshëm, shkruan e majta “Der Standard”.

Si armë e fuqishme e politikanes Kolinda përmendet spontaniteti dhe kjo ndodhi gjatë përshëndetjes së lojtarëve kroatë dhe francezë gjatë shiut të pasfinales së Kupës së Botës.

Kur ajo u zgjodh presidente në 2015 refuzoi të jetojë në pallatin e ndërtuar nga Tito, por në mes të përditshmërisë së qytetarëve të saj në Zagreb.

Emërtimi “Swambo”

Grabar-Kitarovic ka jetuar një kohë të gjatë në SHBA. Si e re ajo shkoi në Neë Mexico në bazë të programit të shkëmbimit, ndërsa është lindur në Rijeka, bijë e një kasapi. Në fillim ajo deshte të bëhet stjuardesë, ndërsa në Zagreb studioi spanjollisht dhe anglisht. Në mes të viteve 90-të vizitoi akademinë diplomatike të Vjenës, ndërsa studime tjera vijoi në SHBA. Katolikja u martua në 1996 me Jakov Kitarovic, me të cilin ka dy fëmijë, Katarina dhe Luka. Në 2003 ajo u zgjodh deputete, ndërsa në kohë të shkurtër ministre e euro-integrimeve. Deri sot qendrore për të janë raportet euro-atlantike. Si ambasadore në SHBA (2008-2011) dhe zëvendësja e sekretariatit gjeneral të NATO (2011-2014) ajo është e afërt me politikat amerikane, përcjell albinfo.ch.

Prej atëherë ajo spikati në politikë dhe kolegët e saj në NATO e quanin “Swambo” – shkurtim për “She who Always Must Be Obeyed”.
Në politikat e brendshme ajo ka probleme me kryeministrin Andrej Plenkovic, i cili është nga e njëjta parti HDZ, por është shumë më liberal se ajo. Ajo shpesh qëndron pas ushtrisë dhe veteranëve të luftës. Është kundër homoseksualëve dhe ka paragjykime pozitive për kriminelin e luftës Slobodan Praljak.