Pas Zvicrës edhe Gjermania vuan nga i nxehti dhe thatësira

Sipas një ankete gjermane, thuajse çdo i dyti banor atje vuan nga i nxheti.

Edhe një gradë dhe Gjermania regjistron temperaturën më të lartë rekord! Në Bernburg (Sachsen-Anhalt) termometri ka shënuar 39,3 gradë, shkruan bild.de. Meteorologët gjermanë e shohin si të mundshme tejkalimin e 40 gradëve, përcjell albinfo.ch.

Temperatuart rekord dhe thatësirat e tejzgjatura në Zvicër dhe Gjermani kanë sjell gjendje të jashtëzakonshme, kryesisht te fermerët. Këta të fundit kërkojnë qeverisë të shpallë gjendjen e emergjencës, ndërsa rajonet veriore dhe ato lindore po përballen me thatësirën e madhe.
Disa nga zonat më të prekura nuk kanë regjistruar asnjë reshje shiu që nga prilli, ndërkohë që e marta parashikohet të jetë dita më e nxehtë e regjistruar deri më tani, me kushtet e motit që nuk duket se do të përmirësohen edhe në ditët në vijim.

Fermerët e prekur më rëndë nga kushtet e motit kanë kërkuar kompensim, pasi thonë se 30 për qind e të korrave të tyre të përvitshme janë shkatërruar dhe humbjet po kërcënojnë mënyrën e tyre të jetesës.

Rreziku bëhet edhe më i madh nëse moti ekstrem do vijojë edhe ditët e ardhshme. Në shumë zona si pasojë e thatësirës, mund të shpërthejnë edhe zjarre të shumta, që tashmë përveç dëmeve te fermerët mund të sjellnin edhe dëmë tjera. Sipas një ankete gjermane, thuajse çdo i dyti banor atje vuan nga i nxheti.