Maqedonia e mirëpret kancelarin austriak me flamur të gabuar

Maqedonia kërkon falje për pritjen që i bëri kancelarit austriak Kurz

Qeveria e Maqedonisë ka kërkuar falje për pritjen e kancelarit austriak Sebastian Kurz. 

Kancelari i Austrisë, Sebastian Kurz, është pritur në Shkup me flamur të gabuar me atë të Letonisë, shkruajnë mediat shqiptare përcjell Albinfo.ch.

“Qeveria e Maqedonisë i kërkon falje Republikës së Austrisë për një dështim të paqëllimtë të protokollit, me rastin e vizitës së kancelarit, Sebastian Kurz në Maqedoni”, ka thënë Qeveria maqedonase. 

Sipas qeverisë maqedonase ishte lëshim i protokollit. 

“Për shkak të ngjashmërisë së madhe të ngjyrave të flamurit të Austrisë dhe Letonisë”, ka thënë qeveria tutje. 

Kancelari Kurz, ka bërë thirrje që pupulli i Maqedonisë, të marrë pjesë në referendumin për marrëveshjen e emrit me Greqinë, duke i dhënë në këtë mënyrë mbështetje perspektivës evropiane.

---