Maqedoni, viktima e dytë nga “gripi i derrit”

Viktima, sipas Klinikës Infektive, është hospitalizuar më 23 janar, në gjendje të rëndë, për shkak të ndezjes në mushkëri dhe meningitisin

Në Klinikën infektive në Shkup të hënën është regjistruar viktima e dytë që ka ndërruar jetë nga virusi H1N1 apo siç njihet në opinion si “gripi i derrit”. Sipas medieve në Shkup, viktima kaq qenë e lindur më 1951/

Nga Klinika infektive, siç raporton INA, është raportuar se viktima është hospitalizuar më 23 janar, në gjendje të rëndë, për shkak të ndezjes në mushkëri dhe megnitisin.

“Nga analizat laboratorike ka rezultuar se tek pacienti ishte izoluar virusi i gripit A(H1N1). Gjatë javës së kaluar janë regjistruar 126 raste të pacientëve që kanë ankuar me virusin e gripit sezonal, por që të gjithë janë hospitalizuar në Klinikën Infektive”, thuhet në raport.

Gjatë muajit të kaluar është regjistruar viktima e parë nga virusi i ashtuquajtur si “gripi i derrit” dhe bëhej fjalë për një qytetar nga Tetova. Ky virus, siç kanë paralajmëruar infektologët nga rajoni, ka mundësi ta godet në shkallë më të madhe rajonin e Ballkanit.

Rajoni më i prekur deri më tani konsiderohet Bosnja, por nga virusi A1N1 edhe në Kosovë ka vdekur një pacient.