Profesioni i mjekut – Mes përkushtimit e zhgënjimit

Radiologu Yll Mehmeti nuk do të punoj më në Prishtinë, pasi që do të shpërngulet në Gjermani.

Ylli ka gjtur punë në Gjermani me kushte më të mira. “Ka shumë faktor që më kanë bërë me liru bindjen me lëshu Kosovën. E para dhe kryesore është perspektiva që ofron Gjermania dhe më pas është edhe të ardhurat”, ka thënë Ylli në një intervistë për REL, përcjell Albinfo.ch.

Naser Gjonbalaj, nga Oda e Mjekëve të Kosovës ka treguar se vetëm këtë vit që nga muaji shkurt, 94 mjek kanë nën shkruar kontrata pune në vendet e BE-së.

“Nga muaji shkurt deri më sot janë mbi 94 mjek që kanë kërkuar certifikata të sjelljes së mirë që nuk kanë shkel kod të etikës që kanë bërë kontrata para- kontraktuale të vendeve të Be kryesisht në Gjermani”, ka thënë Mehmeti.

Në anën tjetër tre vëllezërit Kojqiqi, janë kthyer në Kosovë. Të tre janë kardiokirurgë. Besnik Kojqiqi ka thënë se kanë përfituar përvojë të mirë në vendet perëndimore dhe se atë eksperiencë dëshirojnë ta promovojnë në Kosovë.

Vëllai tjetër, Arbeni ka thënë se ka shumë arsye të cilat kanë bërë që ai dhe dy vëllezërit e tij të kthehen nga perëndimi në Kosovë. Sipas Arbenit ka mungesë të kardiokirurgëve në Kosovë dhe Shqipëri.

Në Tiranë dhe Kosovë që nga koha e ardhjes së tyre tre vëllezërit Kojqiqi i kanë kryer rreth 800 operacione. Ndërsa doktorit kosovar, Ylli Mehmetit i kanë mbetur pak kohë para se të niset drejt Gjermanisë.

Ylli ka treguar se dëshiron të kthehet prap në Kosovë, por sipas tij perspektiva dhe e mira e jetës së njeriut tregon vendimin e marrë nga ana e tij për tu larguar në vendet perëndimore.